பல்லவி
என்ன என் ஆனந்தம் !என்ன என் ஆனந்தம் !
இயம்பலாகாதே ,
மன்னன் கிறிஸ்து என் பாவத்தை எல்லாம்
மன்னித்து விட்டாரே .
சரணங்கள்
கூடுவோம் ,ஆடுவோம் , பாடுவோம் ,நன்றாய்
மகிழ் கொண்டாடுவோம் ;
நாடியே நம்மை தேடியே வந்த
நாதனைப் போற்றிடுவோம் .
பாவங்கள் சாபங்கள் கோபங்கள் எல்லாம்
பரிகரித்தாரே;
தேவாதி தேவன் என் உள்ளத்தில் வந்து
தேற்றியே விட்டாரே .
அட்சயன் பட்சமாய் இரட்சிப்பை எங்களுக்கு
அருளினதாலே ;
நிச்சயம் சுவாமியைப் பற்றியே சாட்சி
பகர வேண்டியதே .
வெண்ணங்கி பொன்முடி வாத்தியம் மேல வீட்டில்
ஜெயக் கொடியுடனே,
மண்ணுலகில் வந்து விண்ணுலகில் சென்ற
மன்னனைத் தோத்தரிபோம்.
No comments:
Post a Comment